واحد بيفهم
……………..
_ صباح الخير أبو العز ..
_ صباح الخيرات جار
_ شو خير انشا الله بشوفك قاعد على باب العمارة تقرا الجريدة وبت نفخ ، شحارك وصل تاني حارة متل البابور الخربان شو القصة .
_ ولاقصة ولا شي خليها على الله ، يلعن ابوها من حياة
_ له له له وحد الله على ها الصبح يا ابن الحلال ، مالك أبو العز ؟
_ هو ضل فيها توحيد ؟؟ انت مو شايف اللي عم بيصير مع هاالحكام اللي بهدلونا الله ينتقم منهم يا شيخ ؟؟
_ يا فتتاح يا عليم يا رزاق يا كريم الحيطان الها آذان جار خليها مستورة الله يسترك.
_وينها الستيرة دخلك مو فضحونا وكملت ولا تكون مو شايف اللي عم بيصير بايران وهمه عم يتفرجوا .
_ هلق انته عامل كل ها الشي وبتبربر من الصبح عشان اللي بصير بإيران ؟ شو خصنا فيهم يا رجل فخار يكسر بعضة .
_ شو فخار يكسر بعضه هي ؟؟ بشوفك صرت متلهم ضارب الدنيا طناش ومنك سائل بشي لا ما بيطلعلك جار شو ها الحكي اللي بتحكيه الدنيا جايه على رمضان وانتو قاعدين بتفلسفوا علينا وبتقولوا فخار وما فخار .